Pormal na nga gibuksan karong adlawa ang ASEAN 2026 International Media Center pinaagi sa seremonyas nga gipangunahan ni Presidential Communications Office (PCO) Secretary Lino Cayetano ug Department of Tourism (DOT) Secretary Dita Angara-Mathay.
Ang maong media center magsilbing sentro sa mga lokal ug internasyonal nga tigbalita nga motaho sa nagkadaiyang kalihokan ug importanteng panghitabo kalabot sa ASEAN 2026.
Atol sa pagbukas, gipasiugda ni Angara-Mathay ang lokal nga mga produkto, pagkaon, kultura, ug tourist destination sa Pilipinas ngadto sa mga foreign delegate, international press, ug lokal nga mga bisita.
Lakip sa gipaila sa Department of Tourism (DOT) ang lokal nga kape, kakaw, produkto sa lubi, pagkaong Pilipino, ug mga wellness tradition nga nagpakita sa bahandi ug kabilin sa nasud.
Giawhag usab ni Angara-Mathay ang mga bisita nga diskobrehon ang katahom sa Pilipinas ug suportahan ang lokal nga mga negosyante ug komunidad pinaagi sa turismo.
Samtang, gipalig-on usab pinaagi sa maong media center ang koordinasyon ug suporta alang sa mga media practitioner aron masiguro ang paghatod sa tukma ug kasaligan nga impormasyon ngadto sa publiko kalabot sa ASEAN 2026.
