ARGAO, CEBU-Patay ang 79-anyos nga lola human kini nisuway og pagluwas sa iyang binuhing iro nga nahibilin sa nasunog nga balay sa Sitio Media, Barangay Poblacion sa lungsod sa Argao.
Giila ang biktima nga si Carmelita Montejo.
Matud ni Fire Officer 3 Michael Angelo Rodriguez nga nakagawas na ang biktima uban sa iyang tulo ka mga apo human nga ma-rescue sa miulbong sunog apan, sa dihang nasuta niini nga nahibilin ang iyang iro sulod sa balay ug mibalik kini.
Ug tungod sa kakusog sa sunog, hasubo nga palandungon nga wala na nakagawas pagbalik si lola ug ang iyang iro.
Basi sa imbistigasyon nga usa ka balay ang hingpit nga naugdaw ug mokabat sa P171,000 ang gibana-banang danyos sa maong sunog.
Dugang pa nga dul-an sa 2 ka oras usa napalong ang sunog tungod wala dayon niandar ang fire truck.
Apan, gipasabot nga bisan paman nga 20 ka tuig na ang ilang fire, anaa pa gihapon kini sa condition gani, naatlan lang nga wala kini mi-andar sa maong higayona.
