COMPOSTELA,CEBU- Gitigbas-patay ang apohan ug apo samtang tulo ang naangol sa usa ka 41-anyos nga lalaki ganihang alas 2:00 sa kadlawon March 31, 2025 sa Purok Lumboy Barangay Panangban Compostela, Cebu.
Giila ang mga nakalas nga sila si Evelyn Pareja Jayme,72-anyos, ug si Gael Jayme Cogay, 5-anyos kinsa patay diha-diha dayon.
Samtang ang mga naangol giila nga sila si Ruvelyn Jayme Gomez, 38 anyos, Kelly Gomez naa sa hamtong nga pangidaron, ug Clint Justine Jayme Gomez, 16 anyos kinsa gidala sa Cebu Provincial Hospital, dakbayan sa Danao.
Ang suspek giila nga si Jayson Meca Avila, 41-anyos adunay kapuyo og lumulupyo sa Purok Lumboy, Panangban, Compostela, Cebu.
Basi sa pamahayag nga gipagawas sa Kapulisan sa Compostela Municipal Police Station, nga niresponde ang mga kawani sa naasoy nga station sa gikatahong hacking incident.
Sa ilahang pag-abot, ilahang napalgang wala nay kinabuhi sa crime scene sila si Evelyn ug Gael.
Narekober sa crime scene ang usa (1) ka hait nga bolo.
Niining kasamantangan, nagpadayon pa ang imbestigasyon sa mga Responding Personnel sa maong estasyonan sa crime scene.
Gisusi pa usab sa kapolisan ug gisuta ang motibo sa pagpatay sa suspek ngadto sa mga biktima.
