CEBU – Patay ang usa ka 74-anyos nga lolo human giloglog ang liog sa silingan kinsa iyahang nakasumpaki atol sa ilahang panag-inom niadtong Huwebes sa gabi-i sa Sitio Ugan 1, Brgy. Lutac sa syudad sa Naga.
Giila sa kapulisan ang biktima nga si Alfredo Alferez, 74, byudo ug residente ra usab sa naasoyng barangay.
Samtang, nailhan ang suspetsado nga si Joanne Omayan, 39 anyos ug silingan sa biktima.
Nasayran nga nag-inom ang duha niadtong Huwebes sa gabi-i dihang nagka-initay nga niresulta sa panagbangi.
Gikatahong nakakuha si Omayan og hait nga instrumento nga iyang gigamit sa pagdunggab ug paglaslas sa liog sa biktima.
Matod pa sa suspek nga nagkabangi sila sa biktima gumikan permanente kining kontrahon matag higayon nga mahubog kini ug niadtong higayon diin matod pa nikuha og sundang ang biktima iyaha kining gi-ilog dayon loglog sa liog sa biktima.
