CEBU – Init nga hisgutanan karon sa social media ang post ni Love Dorego, usa ka car sales executive sa Lanang, Davao City.
Kini kalabot sa usa ka senior citizens nga nipalit og sakyanan sa ilahang automobile store.
Nipalit ang usa ka retire teacher og usa ka brand new car ug gibayran kini og PHP593,000 in cash.
Apan sa wala pa kini nahitabo, nasayran nga unang niduol ang retired teacher sa kalabang car dealer apan wala kini pasudla tungod sa porma niini nga nagsul-ob og medyo hugaw nga sinina, karaan nga sapatos ug hugaw nga face mask.
Nahitabo kini niadtong Mayo 17, 2022, Martes, usa ka semana na ang nilabay.
Sa dihang, niduol kini sa showroom nilang Lovely, gihatagan kini nilang pagtagad sama sa tanang customer.
Nakapili kini og car unit nga Suzuki S-presso og gibayran pinaagi sa cash.
