Usa ka 68-anyos nga Lolo ug usa ka 34-anyos nga mahuyang ang lakip sa mga nakatagamtam og cash gift human kini misalmot sa libreng tuli campaign sa kagamhanang dakbayan sa Lapu-lapu.
Sa post sa Facebook account ni Lapu-lapu City Mayor Junard “Ahong” Chan nga matod pa nakadawat ang duha og cash gifts nga nagbalor ug P20,000 para kang Lolo ug P10,000 sa mahuyang.
Nahisubay kini sa pasalig sa Mayor diin P10,000 ang ganti sa mga magpatuli nga nag-edad og 20-anyos pataas ug ganti nga P20,000 sa mga senior citizens.
Matod pa sa ubang mga nagpatuli kay bisan paman adunay sakit ang maong operasyon apan maka-ayo ra kini para nila sa hisgutanang kalawasan ug sa ilang personal genatalia hygiene.
Ang sunod nga libreng tuli campaign sa maong dakbayan kay gikatakda sa Mayo 30 sa samang venue sa Hoops Dome, Barangay Gun-ob ug inig Hunyo 3 kay mulabang kini sa isla sa Olango.
Target sa kagamhanang nga muabot sa liboan ang matuli nila sulod sa gitakdang mga adlaw.
