Gisusi karon sa Office of the Ombudsman ang pipila ka mga indibidwal nga nalambigit sa isyu sa kurapsyon sa mga proyekto sa pagpugong sa baha.
Matod ni Ombudsman Jesus Crispin ‘Boying’ Remulla, lakip usab sa imbestigasyon ang mga ‘losing bidders’ o mga contractor nga wala makakuha ug napildi sa bidding sa mga proyekto.
Gisulti niya kini subay sa pakighinabi sa pipila ka mga opisyal sa Philippine Competition Commission sa nadawat nga impormasyon nga naglakip sa mga ‘losing bidders’ sa mga nakabenepisyo o nalambigit sa anomaliya.
Gipasabot ni Ombudsman Remulla kon sa unsang paagi nakabenepisyo ang mga napildi nga bidder sa matag proyekto sa gobyerno alang sa pagpugong sa baha.
Diin 3% gikan sa kinatibuk-ang gasto sa proyekto ang porsiyento nga ilang madawat nga matod niya nahimo na usab nga kultura sa Department of Public Works and Highways.
Buot ipasabot nga kon ang proyekto mokantidad ug usa ka gatos ka milyon ka pesos, 3% niini o 3 milyones ka pesos ang bahin ug madawat sa mga napildi nga bidder.
