CEBU CITY-Padayon nga nakigkumbati sa lit-ag sa kamatayon karon ang usa ka lalaki human nga gitabangan sa 3 ka suspect diin gidunggab na , gipusil pa sa Brgy. Mananga II dakbayan sa Talisay.
Naila ang biktima nga si Bryan Kua,33 anyos samtang ang mga suspect mao si Anthony Cabañero hingkod ang pangidaron ug ang pag-umangkon niini nga sila Kyfer ug Jay-ar Cabañero nga puros na usab naa sa saktong pangidaron.
Matud ni Police Corporal Kris Puerto sa Talisay PNP nga padung lang unta nga magduwa sa computer-an ang biktima sa dihang kalit kini nga giduol sa suspect ug gidunggab. Gitabangan kini sa 3 ug gipusil pa.
Nakahi-agom og samad sa ulo ug liog ang biktima apan dali nga nadala sa tambalanan.
Samtang love triangle usab ang nakitang motibo sa kapulisan karon sa krimen sanglit nasuta sa imbestigasyon nga ang live-in partner sa biktima ang ex-girlfriend sa suspect.
