CEBU – Niisyu og special permit ang Land Transportation Franchising and Regulatory Board sa Central Visayas (LTFRB-7), sa 560 ka schools buses sa Probinsiya sa Sugbo, apil na ang tri-city sa Sugbo, Mandaue, ug Lapu-Lapu, aron masiguro ang igong gidaghanon sa mga sakyanan nga mobiyahe sa mga kadalanan sa oras sa pagsugod sa mga face-to-face classes.
Matud pa ni Director Eduardo Montealto nga sa pagkakaron, mokabat na sa 1,120 ka modern public utility jeepneys (MPUJs) ug 700 ka traditional public utility jeepneys (TPJUs) ang nagbaktas sa kadalanan aron maka-cater sa mga sumasakay dugang pa sa 560 ka school buses nga adunay special permit.
Gipahinumdoman usab ni Montealto ang mga operator ug drayber sa mga public utility jeepney nga sundon gihapon ang minimum health protocols sulod sa ilang mga unit.
