CEBU CITY- Nag-isyu ang Land Transportation Franchising and Regulatory Board (LTFRB)-Region 7 og show cause order batok sa operator sa Modern Public Utility Jeepney (MPUJ) nga adunay unit number 24 human kini makita nga daw misulod og kalit sa ganghaan sa usa ka lugar.
Matod pa ni Dir. Eduardo Montealto Jr., ang LTFRB-7 Regional Director, dili tugtan sa ilang buhatan ang bisan unsang porma sa kalapasan nga makapahamtang og kadaot sa publiko.
Dugang niini, nga gipangayo sa LTFRB nga motubag ang drayber sa MPUJ No. 24 ug ipasabot kung nganong dili sila angayan silotan o kuhaan og prangkisa.
Gisuspetsahan nga nakabuhat og peligroso nga maneuver ang drayber, ang insidente nahitabo sa MC Briones Street ning dakbayan sa Sugbo.
Base sa maong video, nga nakapakurat sa mga netizens ug nagpukaw sa kabalaka sa kahimtang sa pampublikong transportasyon.
Gikatakdang musumiter og pahayag ang operator sa sulod sa gihatag nga petsa, ug posibleng atubangon nila ang suspension o cancellation sa ilang prangkisa kung mapakyas silang makahatag og ikatabang nga tubag o katin-awan.
Padayon ang imbestigasyon sa LTFRB-7, samtang gipanawagan usab ang mga pasahero ug katawhan nga ipadayon ang pagreport sa mga kalapasan aron matabangan ang ahensya sa pagpatuman sa patas ug luwas nga transportasyon.
