Nanghinaot ang buhatan sa Land Transportation Franchising and Regulatory Board 7 nga malinawon ang ipahigayon nga transport strike sa grupong PISTON karong umaabot nga Setyembre 18.
Mao kini ang gipaambit ni LTFRB 7 Regional Director Eduardo Montealto nga ilang gi-respeto ang katungod sa mga motorista nga magpahigayon og transport strike apan sigurohon lang nila nga aduna silay permit.
Gawas niana, malaumon usab siya nga dili babagan ang mga gustong mobiyahe.
Gihimug-atan usab ni Montealto nga maayo usab kini nga lakang sa grupo aron madungog ang ilang habig ug mapaabot sa gobyerno ang mga isyu nga nagkinahanglan og kasulbaran.
Ingon man nga gipahimangnoan sa pangu nga dili pugson ang uban sa pagsalmot sa ilang kalihokan gumikan hugot kini nga gidili, apan masaligon man hinuon si Montealto nga susama sa mga niaging transport strike nga walay nahitabong pagpamugos busa, madasigon kini nga hapsay ug malinawon lang ang maong kalihokan.
