Sub-sob na ang pagpangandam sa buhatan sa Land Transportation Franchising and Regulatory Board- Central Visayas, alang sa umaabot nga mga dagkong okasyon hilabi na nga hinangat na ang pag-saulog sa pasko og bag-ong tuig.
Magpahigayon usab sila og regular monitoring sa mga nagkadaiyang terminals, hilabi na nga adunay pipila ang manguliay sa mga nagkadaiyang probinsya, matud ni LTFRB-7 Regional Director Montealto Jr. nga dili usab tugotan sa buhatan nga padaganon ang mga pasaheroang sakyanan kung masuta nga adunay depektibo sa pagpadagan niini.
Sigon usab niini, nga organisado ra usab ang koordinasyon sa buhatan og mga buhatan sa mga nagkadaiyang terminals,sa pagpahigayon og paghatag og reports sa inspeksyon, hinungdan nga mahinungdanon gayud ang ilang koordinasyon alang kaluwasan sa matag pasahero sa terminals.
Ipatawag usab sa buhatan sa LTFRB-7 ang mga nagkadaiyang sakyanan o psaheroan, nga kung ugaling adunay masayran nga paglapas particular na sa mga kolurom o dili utorisadong mga sakyanan nga nangabuso sa mga pasahero.
Pahamtangan usab ang mga taxi units nga adunay mga reklamo, hilabi na maylabot sa kabaho og way tarong nga limpyo ang uban niini, gumikan sa mga nagkadaghang reports nga nadawat sa buhatan.
Hinungdan nga sobsub ang ilang pagpahigayon og briefing sa mga operators og drivers nga kinahanglan gayud presentable ang mga sakyanan og walay depektibo nga makita, kay possible gayud sila makamulta og 5,000 pesos kung anaa man.
