Miawhag sa publiko ang buhatan sa Land Transportation Office – Central Visayas (LTO-7) sa pag-report sa mga insidente sa pagpangsuborno (bribery) ug paglikay sa mga illegal fixers.
Kini ang gidapit sa bag-ong Regional Director nga si Francisco “Franz” Ranches Jr. isip nag-unang prayoridad sa ahensya ubos sa iyang pagdumala diin ang paglimpyo sa integridad niini.
Giawhag ni Ranches nga i-report ang maong mga masinati o masaksihang insidente direkta sa iyang opisina aron sa tinguha nga matarong ang mga empleyado niini.
Ang opisyal kinsa nakalingkod sa gahuman sukad niadtong Enero 2026 kay nagtinguha sa maong mga inisyatiba isip malungtarong solusyon sa pagsilot sa malimbogong kalihukan. Gani sa pakigtambayayong niini sa Civil Service Commission, ang ahensya kay nagpahigayon og seminars aron matudloan ang mga empleyado sa mga kaosng posibleng atubangon kung makalapas sa lagda sa balaod.
Dugang pa nga ang Criminal Investigation and Detection Group (CIDG) kay nagpasiugda og mga operasyon sa mga LTO-7 offices aron wagtangon ang mga “fixers” nga nagpalusot sa mga serbisyo sa ahensya.
Misugyot si Ranches nga ang publiko kay mamahimo sang makatabang pinaagi sa pagsalikway sa mga illegal nga kalihukan. Gani naglusad kini og dedikadong Citizens Law Enforcement Hotline sa social media aron sayong mapadangat sa mga reklamante ang mga report sa kalapasan sa lagda sa balaod ug uban pa.
Pinaagi niini, mamahimong daling maaksyonan sa LTO-7 ang maong mga reklamo aron mapatunhay ang serbisyo sa rehiyon.
