Cebu City- Andam na ang tanan alang sa lubong ni Cebu Archbishop Emeritus Ricardo Cardinal Vidal ugmang adlawa. Matud ni Msgr Joseph Tan, ang tigpamaba sa Archdiocese of Cebu nga gilauman ang 150,000 ka mga tawo ng mutambog sa lubong sanglit gideklarar naman ni Presidente Rodrigo Duterte nga holiday ang adlaw sa paglubong ni Vidal.
Ang misa ang ipahigayon sa Cebu Metropolitan Cathedral diin panguluhan kini ni Cebu Archbishop Jose Palma. Gitino ni Msgr. Tan nga dili tanan ang mahimo nga makasulod sa cathedral samtang gipahigayon ang misa apan dunay mga dagkong screen sa gawas diin mahimo makatan-aw ang mga tawo sa misa. Human sa misa, i-prusisyon ang lungon ni Vidal sakay sa century old nga karo diin dunay kahigayunan nga makita sa mga tawo nga nag atagang sa daplin sa dalan sa katapusang higayon ang mitaliwan nga Cardinal.
Sa luyo sa Cathedral ilubong si Vidal diin dunay musuleum didto nga alang sa mga mitaliwan nga obispo ug Cardinal.
Andam na usab ang deployment sa kapulisan alang sa seguridad .
