Bisan pa og 25-anyos pa lang, ang Dallas superstar kay miposte sa iyang ikasiyam nga 40-point triple-double sa kadaugan sa Dallas Mavericks batok sa Golden State Warriors.
Mihimo og 45 puntos ang giisip nga LukaMagic, 11 rebounds, ug 13 ka assists, nga nagtugot sa Mavs nga mabulsa ang ilang ika-17 nga daog ning season.
Ingon man nga nakahimo usab kini og unom ka 3-pointers gikan sa 11 ka pagsuway, lakip ang pito ka free throws.
Dako usab og tabang ang presensiya ni kanhi Warriors guard Klay Thompson, kinsa nakahimo og pito ka 3-pointers gikan sa 11 ka shots.
Bisan ang 21 puntos ni defensive specialist Draymond Green dili igo aron sa pagluwas sa Warriors gikan sa ilang ika-11 nga kapildihan ning season.
Ang duha ka teams mitala og kapin sa 50% 3-pt percentage diin ang GS nakahimo og 27 ka 3-pointers samtang ang Mavs mihimo og 21 sa tibuok duwa.
