CEBU CITY-Gipahibalo ni Cebu City Mayor Michael Rama nga gusto niini ibalhin ang Cebu South Bus Terminal (CSBT) sa South Road Properties (SRP).
Kini aron mapadali ang nagpadayong civil works sa Cebu Bus Rapid Transit (CBRT), nga gituohan ni Rama nga nakababag sa nahimutangan karon sa terminal.
Matod sa mayor nga wala pay existing ordinance nga nagtugot sa terminal sa dakbayan, busa iyang hangyoon ang konseho sa dakbayan nga mohimo og laing ordinansa aron mapadali ang pagbalhin sa CSBT.
Diin giawhag ni Rama nga ang pagbalhin sa CSBT ngadto sa SRP aron maseguro nga ang operasyon sa terminal dili na makababag sa nagpadayon nga CBRT project.
Gumikan niini nipagawas usab sa iyang pamahayag ang Commitee Chairman on Transportation Cons. James Cuenco nga uyon siya nga ibalhin ang South Bus Terminal sa South Road Properties kung dili kini dali dalion ug moagi sa maayong pagplano ingun man nga himuong hapsay ang pagtransisyon niini pinaagi sa pag-andam sa terminal building sa maong dapit ug klarohon ang mga rota sa mga buses harung dili mahasul ang mga byahidor.
