CEBU CITY-Hingpit na nga andam ang lungsod sa Minglanilla sa ikaduhang higayon nga isaulog niini ang Sinulog sa maong dapit.
Nasayran nga adunay 11 ka mga contingents ang mosalmot apan, mipasalig si Glen Antigua, ang OIC Head sa MITCOM nga dili kini makaapekto sa dagan sa trapiko hilabi na nga gilimitahan ang mga partisipante sa matag contingents.
Sa gibutyag ni Glen Antigua, ang OIC head sa MITCOM atol sa pakighinabi sa Bombo Newsteam nga adunay nakalinyang mga aktibidad nga ipahigayon sa ilang lungsod.
Usa niini nga gipahibalo usab sa ilang simbahan ang pagbisita sa imahe sa Birhen sa Guadalupe ug ni Senyor San Jose.
Samtang, ang gi-deploy ka mga security personnel igo ra hilabi na nga matag contingents anaa lang kini 40 ka mga miyembro apan, masaligon kini nga hugot nga seguridad ang ilang ipatuman arun malikayan ang mga kagubot atol sa isaulog karong domingo nga Sinulog sa Minglanilla.
