CEBU CITY-I-ampo nalang matud pa ang panagbangi karon ni outgoing counsilor Jun Alcover ug ni councilor-elect Niña Mabatid.
Kini ang pamahayag ni Vice Mayor-Elect Mike Rama sa pakighinabi sa Bombo Radyo Cebu.
Subay kini sa init nga tinubagay karon ni Mabatid ug Alcover sa social media nga gi-ugatan sa matud pa pagsingle voting ni Mabatid niadtong pinili-ay. Hugot ang pagtoo ni Alcover nga gitraydor sila ni Mabatid nga unta kaalyado man sila.
Apan naglaum si Rama nga mahupay ra ang mga dughan nga nagsakit. Parte matud pa kini sa demokrasya butang nga iyang girespeto.
Apan gisiguro ni Rama nga atol unya sa ilang paglingkod isip mga bagong tigdumala sa dakbayan nga mamahimong hapsay ang tanan ug masettle ra kini.
Gipamulong pa ni Rama nga nagtoo gihapon siya nga “all is well that ends well”.
