CEBU CITY-Gihulagway ni kanhi Cebu City Councilor Jun Alcover si Konsehal Niña Mabatid nga ‘mat-an pa sa pinya’.
Kini human nga sila ni Ramil Ayuman ang gidoot niini nga mao matud pa’t nagpaluyo sa sexual harassment nga kaso’ng gipasaka sa 3 ka babae batok sa pangu sa Department of General Services nga si Lorenzo Basamot.
Nagkanayon si Alcover sa dihang nahinabi as Bombo Radyo Cebu nga ‘maro’ pa sa tanang ‘maro’ si Mabatid.Klaro matud pa nga dunay sexual abuse ug duna nay affidavit ang mga biktima ug ganu padung na kini ipasaka sa piskalya hayan imposible nga malambigit pa sila niini.
Ang angayan matud pa nga tubagon ni Mabatid ang pangutana kung ngano nga iyang giduphan si Basamot.
Dason sa kanhi konsehal nga sayop ang gibuhat ni Mabatid nga iya hinoon matud pa nga ginganlan ug gi-expose ang mga biktima nga unta isip chairman sa Committee on Women and Family Affairs, iya kining protektaran.
