PROVINCE OF CEBU, SIBONGA-Gidapatan ang usa ka usa ka 22-anyos nga maestra sa iyang 24-anyos nga kapuyo atol sa Teachers Month Celebration sa Sitio Gahad, Brgy. Poblacion, lungsod sa Sibonga, hinungdan nga dili kini makapasaylo.
Sa imbesigasyon sa kapulisan, nasayran nga ang maestra mabdos kinsa gikulata, giparok ang ulo ug gimudmod pa ang nawong sa kapuyo tungod kay gibadlong human nga nasakpan nga nipalit ug shabu.
Gipadakop sa maestra nga gitago ang pangan ang iyang kapuyo tungod sa pagpanapat niini.
Human nasakpan sa maestra ang kaipon nga nibalik sa drugas, nasuko kini ug nag-wild.
Misulod sa kwarto ang biktima apan giguba sa suspek ang pultahan hinungdan nga nakasod ug didto na gidapatan ang maestra.
Atol sa pagpanapat, nagkugos ang mabdos nga maestra sa iyang 3-anyos nga anak nga babaye hinungdan nga apil sa nasakitan.
Sa pagdakop, nangayo ug pasaylo ang suspek ug nagluhod-luhod apan dili makapasaylo ang biktima tungod kay na-trauma siya.
Kasong kalapasan sa Violence Against Women and Children (VAWC) ug physical injury ang atubangon sa suspek.
