CEBU – Giangkon ni Mabolo Barangay Kapitan Frank Gajudo nga nasayop gayud sila sa pag-parking sa ilahang mga garbage truck ug uban pang mga service vehicle sa barangay.
Matud pa sa kapitan nga wala man kini kasuko sa mga sakop sa Cebu City Transportation Office (CCTO) gumikan kay nasayod kini nga adunay ordinansa may kalabotan na sa overnight parking.
Pasabot usab sa opisyal nga sayop ang ilahang pag-parking gumikan kay wala gayud sila’y lugar nga mahimong i-park ang ilahang mga sakyanan sa barangay.
Hinuon, gipasalamat ni Gajudo ang Cebu City government kay wala kini pabayara sa multa ug ‘warning’ lang ang gihatag kanila.
Sa pagkakarun, giingong gitugotan na sila sa simbahan ug sa Mabolo National High School nga maka-park sa ilahang mga service vehicle sa barangay.
