Taliwala sa nangsulpot nga mga kabalaka nga gipahinabo sa nikatap na video sa gikatahong pagdagit sa usa ka lalaki sa dakbayan sa Sugbo, gipasalig sa Mabolo Police nga dili kini makonsiderar nga usa ka kidnapping incident.
Busa, buot sa Mabolo Police Station 4 nga klaruhon ug tubagon ang post sa Facebook nga adunay caption nga “Kidnapping Alert In Cebu” nga gi-post niadtong Mayo 24, 2026 sa Facebook account sa usa ka ginganlag “Ciryine Jeny Samia.”
Matod pa, ang giingong insidente nga mikatap sa social media dili usa ka bag-o lang nahitabo nga insidente, tungod kay basi sa imbestigasyon, nagbutyag nga ang duha ka giingong biktima nga nalambigit sa gitaho nga insidente nahibalik na ug luwas na kini.
Subay niini, gikabutyag ni Police Major Eric Gingoyon sa Mabolo Police Station nga nibuhat og imbestigasyon usab ang sakop sa kapulisan kabahin sa insidente, ug ang giingong biktima nakit-an ug gihulog sa usa ka kasagbutan nga lugar sa Naga City mga alas 5:30 sa buntag niadtong Mayo 11, 202,6 ug gidala sa Naga Police Station alang sa hustong tabang ug beripikasyon.
Apan, taliwala sa pamghitabo, gipasallig ni Gingoyon nga “generally peaceful’ ang dakbayan sa Sugbo, ug adunay lay nahitabo nga insidente sa usa ka isolated nga kaso.
Sa pagkakaron, ang Mabolo Police Station 4 nagpadayon sa paghimo og dugang nga imbestigasyon aron masuta ang kompletong mga kamatuoran ug mga sirkumstansya nga naglibot sa giingong insidente.
Ingun man nga ang mga imbestigador adunay naila nga person of interest, nga giisip nga importante sa nagpadayon nga imbestigasyon. Tungod niini, gitambagan ang publiko nga magpabiling kalmado ug likayan ang pagpakatap sa wala mapamatud-i o sayop nga impormasyon sa social media nga mahimong hinungdan sa wala kinahanglana nga kahadlok, kalisang, ug kabalaka sa komunidad.
