CEBU CITY-Lauman nga makauli na sa Sugbo ang usa ka mahuyang nga SPED teacher sa Zapatera Elementary School.
Kini ang gikumpirmar ni DepEd Region VII Education Support Services Division (ESSD) chief Dr. Luz Jandayan suubay na sa pagkasikop sa maong maestro sa Ilocus Sur sa mi-aging adlaw human kini gireklamo sa usa ka 14 anyos nga lalaki, kinsa participante sa Palarong Pambansa 2018, ug act lasciviousness.
Matud ni Jandayan nga uwaw para kanila nga mga delegado sa Central Visayas ang gibuhat sa maong maestro ilabi na nga ang Ilocus Sure gikonsiderar nga zero crime gayud.Matud pa niini nga gihuwat nalang ang pirma sa judge ngadto sa gipadangat nga pyansa sa maong maestro nga muabot sa 80,000 ka pesos.
Kung makabayad na ang maong maestro hayan papaulion na nila kini sa Sugbo sanglit wala man kini apil sa mga delegado nga gipadala para sa Palarong Pambansa 2018.ibutyag pa ni Jandayan nga ang mga kaubanan nga maestra sa maong SPED teacher sa nahisgutang tunghaan, maoy nagtampo-tampo ug kwarta para pyansa niini.
Gumikan sa maong panghitabo, dali usab nga gitapok niini ang mga staffs sa Central Visayas para ipahimangno nga dili sundon ang gihimo sa maong maestro.
