Gipasiugda ni National Security Adviser Eduardo Año nga ang mag-amahan nga nagpauwan og bala sa Bondi Beach sa Sydney, Australia, miagi sa naandan nga mga pamaagi sa Ninoy Aquino International Airport.
Ang pagpamusil ni Sajid Akram ug sa iyang anak nga si Naveed miresulta sa kamatayon sa 16 ug pagkaangol sa kapin sa 40.
Sumala ni Año, walay indikasyon ug imposible nga sila nagbansay sa Maguindanao sa wala pa ang pagpamusil.
Gikumpirmarni Manila International Airport Authority General Manager Eric Ines nga wala silay giatubang nga bisan unsang mga pagdili tungod kay sila mibiyahe isip amahan ug anak, ug midugang nga sila nakapasar sa customs nga walay bisan unsang problema.
Gitaho usab sa Bureau of Immigration (BI) nga ang mga suspek nagpabilin sa Davao City sulod sa halos usa ka bulan sa wala pa mobalik sa Sydney.
