CEBU CITY — Giimbestigaran sa PNP ang pagpang-ambush-patay sa mag-amahang barangay councilors sa Sitio Napac-an, Brgy. Kalumbuyan, Bayawan City, Negros Oriental.
Giila ang mga biktima nga silang Felipe Condez, 60 anyos, ug anak niini nga si Jonesis Condez, 31 anyos, ug mga konsehal sa Brgy. Kalamtukan.
Matud sa hepe sa Negros Oriental PNP nga si Police Colonel Julian Entoma nga mopauli ang mag-amahan gikan sa Bayawan City sakay sa ilang motorsiklo.
Apan misunod kanila ang wala mailhing mga gunmen sakay sa ilang motorsiklo dayon og pusil ngadto sa biktima gamit ang wala mailhi nga armas.
Nakaangkon og mga samad-pinusilan sa ilang lawas nga miresulta sa hinanali niining kamatayon.
Mipahigayon usab ang PNP og hot pursuit operation alang sa pagkasikop sa mga gunman samtang ila pang gisuta ang motibo sa maong krimen.
