TOLEDO CITY, CEBU-Gisugat nga madugoon ang bag-ong tuig sa mag-ig-agaw sa Sitio Puro, Barangay Lower Awihao, Toledo City human nga nagdinunggabay ang duha ug misangpot sa ilang kamatayon.
Gikan sa init nga panaglalis kay misangko ngadto sa dinuslakay og kutsilyo ang mga giila nga biktima nga sila si Catalino Ortega Canillo, 50-anyos ug ang ig-agaw niini nga si Alberto Canillo Sedon, 45-anyos.
Matud sa hepe sa Toledo Police Station nga nahitabo ang insidente mga alas 2:20 sa kaadlawon samtang nag-inom ang mga lalaki subay sa pagsugat sa bag-ong tuig.
Apan, usa ka karaan nga panag-away sa pamilya ang mibutho pag-usab atol sa panagtapok, nga misangpot sa usa ka mainit nga panaglalis.
Dugang pa nga unang nidunggab si Catalino ngatdo lang Alberto apan nakalikay sa kutsilyo ug mibaws sa pagdunggab kang Catalino.
Ug wala nagpakabuta-bungol ng isguon ni Catalino nga si Andres Ortega Canillo, 59-anyos gumikan nangilabot usab kini pinaagi sa pag-ilog sa kutsilyo ug dayong dunggab kang Alberto hinungdan nga gisikop kini sa kapulisan.
Gani, dali pa nga gidala sa Toledo General Hospital ang mag-ig-agaw apan gideklarar kini nga dead on arrival.
