BALAMBAN, CEBU-Patay ang duha ka managsuon sa managlahing motor tandem samtang nagtrabaho sa construction project sa Sitio Abante, Brgy Hingatmonan sa Balamban, Cebu.
Nahitabo ang insidente sa pagpamusil pasado alas 5 sa hapon niadtong Biyernes, Oktubre 4.
Giila sa kapulisan sa Balamban ang mag-igsuon nga sila si Pil Balbiro, 38-anyos, ug Samson Pepito, 30-anyos.
Daling mirespondi ang kapulisan human makadawat og tawag ug Nakita nila nga wala nay kinabuhi ang duha ka magsuon sa sagbutan duol sa dalan sa Sitio Abante.
Matud pa nga namatay si Pil tungod sa samad pinusilan sa iyang ulo samtang si Samson gipusil sa iyang nawong.
Basi sa inisyal nga imbestigasyon, ang kapulisan sa Balamban niingon nga ang managsuon lakip sa mga panday nga nagtrabaho sa pagpatukod og balay sa lugar.
Ingon man nga walay criminal record ang mga biktima sa naasoy nga dapit apan kanhi force multiplier si Phil sa dakbayan sa Sugbo, diin napulisan niadtong 2019 ug naka-rekober sa iyang mga samad.
Gani, wala gibutyag sa hepe sa Balamban kung aduna ba’y kalambigitan ng nadangatan sa duha sa iyang pagkalambigit niadtong 2019 shooting incident.
Sa pagkakaron, padayon pa ang gihimo nga imbistigasyon sa kapulisan, ug ang pakig-alayon niini sa kapulisan sa Asturias.
Gipangita usab sa mga otoridad ang CCTV footage sa insidente sa pagpamusil samtang gisuwayan nila pagsusi ang mga cellular phone sa duha ka mga biktima.
