CEBU CITY-Patay ang maglive in partner human kini gipusil sa wala pa mailhi nga mamumuno sa may 6.5 Relocation Site Brgy. Paknaan dakbayan sa Mandaue pasado alas 12 sa udto adlawang Lunes Agosto 6.
Giila ang mga biktima nga si Jessie 43 Montebon ug si Marilyn Tikling nga puro buwag sa ilang kanhi mga asawa./ Matud ni Rico Montebon ang igsoon sa biktima nga si Jessie nga padulong magpalit og lawog sa baboy ang duha samtang siya padulong usab nga mupalit og ilang sud-an.
Kalit lang matud pa nga nagdinagaya ang ilang mga silingan ug nagkanayon nga gipusil ang iyang igsoon.// Dali usab miresponde si Ricko apan gi-alironga na ang duga sa mga tao ug nakita niya nga nag-ubo na ang iyang igsoon ug nagakadugo na buyon sa iyang ka live inpartner.
Nakit-an sa pasiunang pakisusi sa Mandaue City Police nga kombiktado si Jessie sa kasong convicted murder ug attempted homicide apan naserbisyuhan na kini gani wala sya malakip sa watchlist.
Usa sa mga mitumaw mao ang anggulo sa love triangle diin parehong gikan sa managlahing relasyon ang mag-live in partner. Samtang nasayran usab sa kapulisan ang mga reklamo diin mamutolay si Jessie og punuan sa mangrove aron ibaligya, matod pa sa Mactan Community Environment and Natural Resources Office (MacCENRO).Nasuta usab sa kapulisan nga dunay gikalalis si Jessie sa iyang paryente mahitungod sa pagpamuwang.
Nagkanayon ang imbestigador nga si PO1 Glenn Bordalba nga palawman pa ang imbestigasyon inubanan sa Scene of the crime operatives (SOCO) ang pagpamusil patay ni Jessie Montebon kon motakdo pa ba sa ilang findings ang mga posibleng anggulo sa krimen.
Apan dugang pa ni PO1 Bordalba nga walay ni usa nga saksi ang buot moduol sa pulis tungod sa kalisang niini. Narekober sa crimes scene ang 6 ka kabhang sa bala, tagsa ka fired bullet ug deformed fired bullet.
