CEBU CITY – Nasurprisa si Magdalo Representative Cong. Gary Alejano sa pagpagawas og resolution sa Europian Union (EU) parliament nga ipahuning ang anti-illegal drug war campaign ni Presidente Rodrigo Duterte tungod sa giingong 12,000 na ang mga tao nga nangamatay.
Matud ni Cong. Alejano,nga nakugang siya tungod kay mismong ang EU parliament na ang naghatag og pagtagad sa Pilipinas.Pasabot matud pa niini nga usa ka daong isyu ang gi-atubang karon sa nasud.
Gihimug-atan usab niini nga dili kini pagpanghilabot sukwahi sa giingon sa Palasyo tungod kay ang Pilipinas matud pa member sa United Nation ug aduna kini treaty nga gipirmahan nga nag-ingon nga protektaran gyud ang tawhanong katungod hayan angayan lamang nga manginlabot sila.
Dili na matud pa kinahanglan nga kwestyunon pa ang ihap sa mga tao nga giingong nangamatay tungod kay mismong ang gobyerno man ang nagpagawas sa maong data.
Dili usab matud pa e-underestimate ang EU tungod adunay man kini kaugalingong source of information sa nasud mao nga imposibleng himo-himo lang usab kini nila.
