CEBU CITY – Nanawagan ang usa ka University of the Philippines-Diliman Professor nga mukanaog nalang sa iyang pwesto si Presidential Spokesman Atty. Salvador Panelo.
Sa pakighinabi sa Bombo Radyo kay Dr. Clarita Carlos, giingon niini nga angayan lang nga mu-resign si Secretary Panelo tungod kay daghan na kini og nahimong sayop isip tigpamaba sa panguo.
Matud ni Dr. Carlos nga puro na lang trivial ug pagpakatawa ang mga statement ni Panelo hayan mas maayo pang mukanaog kini sa pwesto isip tigpamaba ug mag-komedyante na lang.
Apan nagtoo ang propesor nga dili mukanaog sa pwesto si Panelo tungod kay baga na matud pa kini og kubal.
Ang pamahayag sa UP-Diliman Professor nunot sa giingong referral letter ni Sec. Panelo sa Bureau of Corrections para sa executive clemency sa ‘convicted criminal’ nga si kanhi Calauan Mayor Antonio Sanchez.
Kung mahinumduman nahimong kliyente kaniadto ni Panelo si Sanchez. (SBR)
