Mipahinumdom ang usa ka eksperto sa panglawas nga magpabiling hydrated ug palig-onon ang resistesya sa lawas subay ning kapyestahan sa Sinulog 2020.
Kini subay na sa masinating nindot nga lakat sa panahon base sa pagbana-bana sa PAGASA-Mactan sa umaabot nga Sinulog weekend.
Matud ni Dr. Rene Josef Bullecer nga tungod sa excitement sa usa ka tawo, halos makalimtan niini ang gibati sa iyang lawas gumikan sa endorphins o happy hormones sa usa ka tawo.
Hinungdan nga mabati-an sa mga mamyestahay ang tumang kakapoy sa lawas inig human na sa selebrasyon.
Mitambag si Bullecer nga kinahanglan imentenar ang kabaskog sa resistensya sa lawas ug pag-inom og tubig sa kanunay.
Mahinungdanon, matud pa, ang pagpabiling hydrated aron nga dili maluya ang lawas sa usa ka tawo.
Dugang pa nga tambag sa doktor nga kung mahimo likayan una ang pagsikit sa bagang duot sa katawhan gumikan kay diha magsagul ang mga kagaw nga maoy hinungdan sa mga sakit sama lang sa sip-on, trangkaso, ug uban pa.
Apan mipahimangno usab ang maong doktor nga dili magpalabi sa excitement gumilkan kay moresulta sa pagpanakit sa kasingkasing ang sobra nga endorphins sa lawas.
