CEBU – Emosyonal nga nag-concede si outgoing Cebu Provincial Vice Governor Agnes Almendras Magpale.
Sa eksklusibo nga pakighinabi sa Bombo Radyo Cebu, kinasingkasing niini nga gidawat ang iyahang kapildihan ngadtu kang incumbent Deputy Speaker of the House Gwendolyn Fiel Garcia, sa pagka-gobernador.
Mipatimbaya kini ngadtu kang Garcia sa kadaugan nga nakuha niini isip gobernador sa probinsiya sa Sugbo.
Gipasalamatan ug mipatimbaya usab kini ngadtu sa iyahang runningmate nga si outgoing Cebu Provincial Governor Hilario ‘Junjun’ Davide III, kinsang midaug isip bise gobernador sa probinsiya.
Gipadayag ni Magpale nga gilantaw niini nga dakung utang kabubut-un sa mga tawu nga misalig ug mipabilin kaniya sa politika sulud sa 30 katuig.
Si Magpale ang pag-umangkun ni kanhi senador nga si Senator Alejandro ‘Landring’ Almendras ug ang iya-an ni Cebu 7th District Representative Peter John Calderon.
