CEBU CITY-Blangko pa ang kapulisan sa Asturias PNP sa identity sa mga suspetsado nga mitigbas ug mipusil patay sa magti-ayon sa Brgy. Uwak lungsod sa Asturias kagabii.
Matud ni PO2 Edwin Pugara , ang desk officer sa Asturias PNP nga wala na gayud matabang pa sa mga doktor ang 79 anyos nga si Emiliano Bantoy human kini ang naka-angkon og samad tinigbasan ug pinusilan samtang padayon nga gi-obserbaran sa tambalanan ang asawa niini nga si Juanita , 75 anyos .
Una niini, pasadp alas siete ang takna gabii, matud pa nga dunay duha ka mga lalaki ang nanuktok sa balay sa magti-ayon aron nga magpatambal apan ang tambalan tua pa sa lungsod sa Balamban.
Suma pa sa asawa nga mibalibad ang kini sanglit gabii na maong nilakaw ang duha ka lalaki apan paghuman sa pipila ka minutos mibalik kini.
Una nga gitigbas si Juanita ug sa dihang nakita ni Emiliano ang iyahang asawa , iya unta kining tabangan apan gitigbas usab siya ug wala pa nakontento ang mga suspek, gipusil usab nila kini sa makaduha nga higayon.
Nakahigayon pa nga makapangayo ug tabang sa silingan si Juanita samtang dali usab nga miikyas ang duha ka mga wala pa mailhing mga suspek.
Basi sa imbestigasyon sa PNP nga wala may nakabikil ang mga biktima sa ilang lugar ug wala usab silay record sa PNP.
