CEBU CITY-Importante matud pa nga magkahiusa ang mga magtutudlo ug ang ginikanan sa tunghaan ug magkasabot sa mga polisiya.
Kini ang pamahayag ni Supt. Salustiano Jimenez, ang Regional Director (RD) sa Department of Education (DepEd-7) subay sa issue karon sa usa ka magtutudlo sa kauluhan nga gireklamo sa ginikanan sa iyang estudyante sa usa ka dakong sibyaanan ug gi-pressure sa broadcast journalist ang maong maestra nga muresign ug matangtangan sa iyang licensya ug kung dili gali mapriso kini.
Tungod lamang kay gipagawas niini ang bata sa classroom ug matud pa na trauma ug nauwawan.
Sigon ni Jimenez nga kinahanglan gyud nga dunay polisiya nga sundon kung diin tagaan usab ang naasoy nga maestra nga makapadayag sa iyang habig.Samtang lantawon usab ang kondisyon ug katungod sa bata isip usa usab ka estudyante.
Gitino hinoon ni Jimenez nga sa kasamtangan “positive discipline” na ang gipatuman sa tunghaan ug dili na pareha sa una nga ang estudyante makasinati ug mga punishment sama sa “sit on the air”, bunalan sa stick ug labayon pa’g eraser.
Apan giklaro lang ni Jimenez nga wala man kini nakaapektar sa mga bata sa unang panahon,apan sa karon maglibog na ang maestra kung unsay buhaton aron nga makakat-on ang bata ilabina kung sobra na kini ka badlungon.
Sigon ni Jimenez nga angayan nga magkasabtanay ang duha ka habig para masayod ang ginikanan sa polisiya sa tunghaan sanglit basin usab sa ginikanan lang na pressure ang mga bata.
Angayan usab nga mutabang ang ginikanan sa pagmonitor ug pahimangno sa ilang mga anak ug dili lang isalig tanan sa maestra.
Dason pa sa regional director nga kung dili naman lang gani magpadisiplina ang mga ginikanan sa ilang mga anak, dili nalang patunghaon ang ilang anak sa mga tunghaan.
