TOLEDO, CEBU-Hugot ang pagtuo sa maguwang sa suspek sa paglugos ug pagpatay sa usa ka 17-anyos nga dalaga sa dakbayan sa Toledo, nga dili ang iyahang igsuon ang nagbuhat sa krimen.
Gibutyag ni Jimmy Sugabo nga anaa lang sa balay ang iyahang igsuon nga si Jonathan Sugabo sa dihang nahitabo ang krimen.
Matud pa, ang ilahang inahan ang makasaksi nga anaa lang sa panimalay si Jonathan anang gabhi-ona.
Gani, normal nga mi-uban sa kapulisan ang iyahang igsuon nga walay tima-ilhan nga “guilty” kini sa maong krimen.
Samtang, gihimakak usab sa suspek mismo nga siya ang nagpatay kang Sharmaine Flores.
Hinuon giangkon niini nga anaa siya sa dapit kung diin nakit-an ang patayng lawas sa biktima gumikan kay sa maong lugar kini mag agi-an kung mupauli na sa ilahang balay.
Midepensa ang suspek nga ang mga garas-garas sa iyahang bukton ug tuhod kay gumikan kadto sa iyahang pagpangahoy.
Giangkon usab niini nga mugamit kini og iligal nga drogas ug niadtong adlaw nga Miyerkules kay nakasuyop kini arun sa pagpa-kondisyon sa iyahang pag-trabaho.
Kahinumdoman nga gipaubos sa otopsiya ang patayng lawas sa biktima sa mga personnel sa PNP Forensic Unit ug gikuhaan na usab og swab sample ang suspek ug ang biktima arun nga ipaubos sa DNA test.
