Giklaro ni Maine Mendoza nga dugay na siyang naka-move on sa iyang gugma kang Alden Richards atol sa kasikatan sa ilang “AlDub” duo.
Matod ni Maine, ang iyang pamahayag sa “Tamang Panahon” podcast niadtong Agosto 17 kabahin lang sa gibalikan nga Kalyeserye ug sa kasaysayan sa ilang love team.
Sa nahisgutang podcast, giangkon ni Maine nga na-inlove siya kang Alden kaniadto, apan wala nangulitawo ang aktor bisan og nasayod kini sa iyang gibati.
Human sa kontrobersyal nga pamahayag, giklaro dayon ni Maine duha ka adlaw human sa maong episode. Matod pa sa aktres-host, dili na unta mabalik ang isyu o ang tensyon tali sa mga fans.
Ingon man nga daghan ang nasayangan tungod kay kinsa man intawn ang magdahom nga unexpected and phenomenal love team—ang gihilakan, gi-absenan, ug gitutukan sa tibuok Pilipinas wala magdayon.
