Mibutyag si House Majority Leader Sandro Marcos nga dili pa tukma ang panahon nga hisgotan ang isyu sa Constitutional Convention (Con-con) o Charter Change (Cha-cha) ilabi na nga sugdan na sa Kamara ang budget deliberations alang sa proposed 2026 national budget.
Dugang pa sa House leader, nga ang pagtuki sa budget sa mga nagkadaiyang ahensiya sa rendas pangamhanan daw usa ka madugoung proseso nga kinahanglang hatagag pagtagad.
Gane, gihangyu sa Kamara ngadto sa Senado nga palugwayan pa ang pagtuki sa budget ug gihimug-atan nga mas hatagan nila ug pokus ang pagtuki sa budget aron mapasar kini sa tukmang panahon.
Samtang, una nang mipahibawo si Rep. Marcos nga dili niya tugotan nga mapasar ang budget sa plenaryo sa ubos balay-balauranan nga wala mahisubay sa National Expenditure Program (NEP). | Bombo Nathaniel Sandoval
