QUEZON CITY- Patay ang walo ka tawo human miulbo ang sunog sa usa ka balay nga giabangan sa Brgy. San Isidro Galas, Quezon City, Metro Manila,sayo sa buntag, Pebrero 27, 2025.
Sa inisyal nga mga taho, ang namatay natanggong sulod sa nasunog nga balay sa kataas sa sunog.
Matud pa nila nga dako na ang kalayo sa ilang pagmata.
Basi sa Bureau of Fire Protection (BFP), niabot sa first alarm ang sunog sa tulo ka andana nga building mga alas 2:02 sa kaadlawon.
Gideklarar nga fire out ang sunog mga alas 2:48 sa kaadlawon.
Nakit-an sa mga responder ang duha ka lawas sa unang andana duol sa hagdanan, apan wala pa mailhi ang mga namatay.
Wala pa usab matino ang hinungdan sa sunog.
Sa pagkakaron, wala pa makahatag og impormasyon ang mga otoridad sa gidaghanon sa mga apektadong residente ug banabana sa danyos sa sunog.
