CEBU – Labing menos 11 ka mga bata ang namatay sa dihang ang usa ka gunman nga nagsul-ob og mga simbolo sa Nazi nagpabuto sa usa ka tunghaan sa kasadpang siyudad sa Izhevsk sa Russia.
Diin 15 ka mga namatay ang natala hangtod karon.
Matod pa sa head sa regional government nga si Alexander Brechalovn, lakip sa mga gipatay mao ang security guard sa tunghaan.
Samtang, sa datos sa mga imbestigador, 24 ka indibidwal lakip ang 22 ka bata, ang nasamdan.
Sumala sa Russian state news agency, gikatahong nagsul-ob og itom nga T-shirt ang gunman nga adunay Nazi nga insignia ug helmet nga namatay pinaagi sa paghikog human sa pag-atake.
Giila sa mga opisyal sa Russia ang namusil nga si Artem Kazantsev, usa ka lokal nga residente nga natawo kaniadtong 1988 nga usa ka alumnus sa eskuylahan diin nahitabo ang pagpamusil.
Nahitabo ang pagpangatake sa School 88 sa Izhevsk, ang kapital sa region sa Russia sa Udmurtia.
Daling mipaabot ang presidente sa Russia nga si Vladimir Putin og pahasubo sa mga biktima.
