Gipahayag ni Communications Undersecretary Claire Castro nga “absolutely delusional” ang pagtuo sa kampo ni Bise Presidente Sara Duterte nga mahimo niyang matangtang ug mapulihan sa pwesto si Presidente Ferdinand Marcos Jr.
Gitubag ni Castro ang pahayag sa tigpamaba sa Office of the Vice President nga si Paolo Panelo, kinsa nagkanayon sa usa ka interbyu nga andam na si Duterte nga mupuli isip lider sa nasod.
Gikwestyon ni Castro ang kaseryoso niini nga nga bahad ug gipasabot nga layo kaayo kini sa kamatuoran kon tan-awon ang kasamtangang sitwasyon.
Gawas sa pagtangtang sa posibilidad sa usa ka pag-ilog sa liderato, gisaway usab ni Castro si Panelo tungod sa iyang gisulti nga ang kampo sa Bise Presidente dili seryosohon ang mga opisyal sa press office sa Palasyo.
Gipasabot ni Castro nga kini nga pag-angkon nga wala sila gaminaw nagpakita lang kon ngano nga ang Bise Presidente nag-ingun nalang og “clueless” ug walay kasayuran sa mga gihimong inisyatibo sa kasamtangang administrasyon para sa mga lungsuranon.
Iyang gipahayag nga naghatag kini og bati nga imahe sa ilaha, ug gipahinumdoman nga ang mensahe sa gobyerno gituyo alang sa mga tawong andam maminaw ug morespeto sa mga programa sa Presidente.
