Girespeto sa Malacañang ang desisyon sa Sandiganbayan nga nagtugot sa temporaryong pagbuhi ni kanhi Senador Bong Revilla Jr.
Mao kini ang reaksyon sa Palasyo human nakadesisyon ang Sandiganbayan nga tugotan ang kanhi senador nga makapiyansa.
Sumala ni Palace Press Officer Undersecretary Claire Castro, anaa na sa mga piskal ang pagdesisyon kung unsang angayng legal nga aksyon o remedyo ang ilang ipatuman.
Matud pa ni Castro, ang balaod ug ang hustong proseso kinahanglan kanunay nga mopatigbabaw.
Si Revilla temporaryong gibuhian human gitugotan sa Sandiganbayan nga makapiyansa og P1 milyon.
Sa resolusyon nga gi-isyu sa Anti-Graft Court, giingon nga napakyas ang prosekusyon sa pagpresentar og lig-on nga ebidensya aron mapamatud-an ang pagkasad-an sa akusado sa kasong falsification of public documents nga may kalabotan sa kasong malversation of public funds.
