Dili gustong suklan sa Malacañang ang isyu sa planong impeachment complaint ni Cavite Representative Francisco “Kiko” Barzaga batok kang Presidente Ferdinand “Bongbong” Marcos Jr.
Matod ni Palace Press Officer USec. Claire Castro nga ang House of Representatives maoy adunay hurisdiksyon sa impeachment matter ug responsibilidad sa mga magbabalaod ang pagproseso niini.
Una nang nanawagan si Rep. Barzaga nga moluwat sa katungdanan ang Presidente, taliwala sa giingong kurapsyon niini sa Malacañang apan gisalikway kini sa Palasyo.
Dugang ni Castro nga lisod ang pagsulti nga walay ebidensiya ilabina nga dali ra kini akusahan, daling isulti ug kung walay ebidensya, ug dili kini angay tuohan.
Bisan pa sa mga panawagan alang sa impeachment, resignation, ug people power gikan ni Rep. Barzaga, si Castro niingon nga wala kini tagda sa Presidente.
Gihatagan og gibug-aton ni Castro nga busy ang Presidente ug adunay daghang buhaton ug wala’y pagtagad sa ingon niini nga mga isyu.
