Girespeto sa Palasyo sa Malacañang ang desisyon sa International Criminal Court (ICC), human sa pagbasura sa apela ni kanhi Presidente Rodrigo Duterte alang sa iyang temporaryong kagawasan.
Si Palace Press Officer USec. Claire Castro miingon nga ang ICC nakahimo na sa ilang desisyon ug miingon nga ang kaso kinahanglan nga ipadayon.
Wala mouyon ang ICC sa hangyo sa kampo ni kanhi Presidente Rodrigo Duterte alang sa iyang temporaryong kagawasan.
Samtang sa pikas bahin, Gidawat usab sa pamilyang Duterte ang desisyon sa Appeals Chamber sa International Criminal Court (ICC) nga nagbasura sa hangyo alang sa temporaryong pagpagawas ni kanhi Presidente Rodrigo Duterte karong Biyernes, Nobyembre 28.
Sa usa ka pahayag, gikumpirma sa pamilya nga magpadayon sila sa pagtinabangay sa depensa sa kanhi Presidente sa iyang kaso.
Nagpadayon usab ang ilang suporta sa kanhi Presidente, lakip na ang adlaw-adlaw nga mga pagpakighinabi.
Gipasalamatan usab sa pamilyang Duterte ang tanan nga miapil kanila karon sa pag-ampo alang sa kanhi Presidente.
Una niini, sa desisyon sa ICC wala gihatag sa Appeals Chamber ang tulo ka basehan sa pag-apelar sa kampo sa kanhi Presidente.
