MALAYSIA-Nakatala ang Malaysia sa ilang unang kaso sa mpox clade II variant karong tuiga.
Diin ang positibo nga pasyente kay usa ka lalaki nga adunay kasaysayan sa pagbiyahe, pipila ka semana sa wala pa gibati ang mga sintomas sa mpox.
Niadtong Setyembre-11, ang pasyente nagsugod sa pagsinati sa mga sintomas sama sa hilanat, sakit sa tutunlan, ubo, ug pagsakit sa kaunoran kay gidala dayon siya sa tambalanan pagkasunod adlaw human mitumaw ang rashes.
Kini ang unang kaso sa mpox clade II variant karong tuiga sa nasud sa Malaysia.
Hinuon, sa miaging tuig aduna na’y usa ka pasyente nga nakumpirmar o positibo sa maong sakit.
Kahinumduman niadtong Agosto 14 sa dihang gideklarar sa World Health Organization (WHO) ang mpox isip public health emergency of international concern human madiskobrehan ang paspas nga pagkaylap sa sakit.
Bisan kung kini una nga mikaylap sa mga nasud sa Africa, daghang mga teritoryo ang nakatala niini sama sa mga nasud sa Europe ug Southeast Asia.
