Nagpadayag ang Malaysia sa ilang hingpit nga suporta alang sa Pilipinas aron mas molambo ug mapalig-on ang halal nga industriya sa Pilipinas.
Matod ni Malaysian Ambassador to the Philippines Dato’ Abdul Malik Melvin Castelino, iyang nakita ang dakong potensyal sa Pilipinas nga mahimong premium halal gateway sa tibuok Southeast Asian region.
Nagtuo siya nga makab-ot sa Pilipinas kini nga posisyon pinaagi sa kooperasyon ug pagpalig-on sa industriya sa halal.
Dugang ni Ambassador Celestino nga dili lang daghang halal investors ang madasig nga mamuhunan sa Pilipinas tungod sa maong kalambuan, apan posibleng makamugna pa kini og dugang trabaho sa mga mamumuong Pilipino.
Ang pag-uswag sa industriya sa halal gilauman nga magbukas sa daghang mga oportunidad sa trabaho sa lain-laing mga sektor.
Target sa gobyerno sa Pilipinas nga madani ang dugang pamuhunan sa industriya sa halal.
Kini nga ambisyoso nga plano nagtumong sa pagkab-ot sa gibanabana nga 7.9 trilyon dolyares sa pamuhunan sa tuig 2028.
