CEBU CITY-Nikunhod ang unemployment rate o walay trabaho sa Pilipinas ngadto sa 4.8 porsyento niadtong Pebrero, apan ang pagkuha ug klaro o siguro nga trabaho nagpabiling hagit alang sa daghang mga Pilipino tungod kay ang gidaghanon sa mga nangitag trabaho midaghan usab basi sa taho Philippine Statistics Authority (PSA).
Gikan sa natala PSA Labor Force Survey nga naglangkob sa Pebrero 2023, ang walay trabaho sa nasud mius-os ngadto sa 4.8 porsyento gikan sa 6.4 porsyento sa samang bulan sa miaging tuig, apan nagpabilin nga wala mausab gikan sa mga lebel sa Enero.
Bisan paman nagpabiling problima sa katawhang Pilipino mao ang kalisud sa pagpanarbaho gumikan sa limitado nga opurtunidad ug taas nga kwalipikasyon.
Dugang pa, nga nagpabiling ulipon sa ubos nga suholan ang mga mamumuo sa nasud kini ang gibutyag ni Jaime Paglinawan Chairman sa AMA SUGBO Central Visayas pinaagi sa paglansang sa ubos nga suholan ug walay kasiguraduhan sa pagpanarbaho gumikan kay dili na makasapar ang inadlawng suholan sa pagtubag sa inadlaw kinahanglanun bisan sa batakang panaliton ug nawala ang dignidad sa mga mamumuo hasta usab ang dignidad sa pamilya niini gumikan sa kaubos sa suholan nga gipatuman sa goberno.
