Dili pa matino kon kinsa ang magsilbing sunod nga Prime Minister sa Israel tali kanila ni incumbent PM Benjamin Netanyahu ug sa iyang nag-unang kaatbang nga si kanhi military chief Gadi Eisenkot, subay sa gipagawas nga mga exit poll karong Miyerkules, Oktubre 28.
Bisan pa man sa kainit sa sangka ug pagpaabot sa opisyal nga tally, natala karong tuiga ang pinakataas nga voter turnout o gidaghanon sa mga botante nga migawas aron mobotar sukad pa niadtong 1999.
Subay sa pasiunang mga resulta sa exit poll, nakatagamtam og pagkunhod sa suporta ang kampo ni Netanyahu human kini nakuhaan og mga pwesto—gikan sa 68 ka lingkuranan sa miaging Knesset, nahimo na lang kini nga 50.
Sa pikas bahin, nakuha sa grupo ni Eisenkot ang 52 ka mga lingkuranan, samtang ang mga alyansang Arab parties nakakuha usab og 18 ka pwesto.
Ilalom sa pormat sa gobyerno sa Israel, nagkinahanglan ang usa ka partido o koalisyon og labing minus 61 ka mga lingkuranan gikan sa kinatibuk-ang 120 ka pwesto sa Knesset aron makab-ot ang mayoridad ug opisyal nga makatukod og gobyerno.
Sa kasamtangan, padayon pa ang pormal nga pag-ihap sa mga balota ug gilauman nga ipahibalo ang opisyal nga resulta sa eleksyon sulod sa 48 ka oras o kapin pa.
