Mandaue City Central School (MCCS), nabalik na sa pag klase, human gigamit sa mga nasunogan gikan sa Sitio Paradise sa Barangay Looc

CEBU – Nibalik na ang klase sa Mandaue City Central School (MCCS) karung adlawa Lunes, Nob. 28.

Matud pa ni Principal Louwela Guerrero nga ang ilang covered court nga gigamit sa mga nasunogan gikan sa Sitio Paradise sa Barangay Looc nabakante na niadtong Domingo sa gabii.

Ang maong dapit gilimpyohan ug gi-disinfect usab sa mga personnel sa Mandaue City Hall aron pangandaman ang pag-abot sa mga tinun-an.

Gisuspenso sa MCCS ang ilang klase sulod sa tulo ka adlaw gikan sa Miyerkules (Nob. 23) hangtod sa Biyernes (Nov. 25) aron ma-accommodate ang mga nasunogan, nga temporaryong nagpasilong sa Cesar Cabahug Elementary School sa Barangay Looc.