Adunay resolution nga giduso sa Mandaue City Council kabahin sa pag-awhag sa buhatan sa Land Transportation Office (LTO) nga paminusan usa sa temporaryong panahon ang ilang panilngon nga singgil sa ilang ahensya karon nakasinati og krisis sa lana ang mga motorista.
Kini ang gisugyot ni Mandaue City Councilor Jennifer “Jen” Del Mar diin matod pa sa pakighinabi niini sa Bombo Radyo Cebu News Team nga ang iyang gipangulohan nga resolusyon sa konseho kay nagtinguha as pagpagaan sa palas-unon sa panalapi sa mga motorista ilabi karon nga kataas sa panahon sa krisis.
Giklaro sa opisyal nga ang iyang gisugyot kay ang mao lamang ang mga non-penalty based fees sama sa registration fees ug uban pa. Apan ang mga multa nga gikan sa mga kalapasan sa lagda sa trapiko kay ipabilin niini subay sa pagtahod sa striktong pagpatuman og balaod sa kadalanan.
Hinaot sab niini nga madapit ang Cebu Provincial Capitol nga muabag sa iyang giduso nga resolusyon sa tinguha nga mapanalipdan ang kahimtang sa mga motorista.
