CEBU CITY – Pa-imbestigaran usab ni Mandaue City Mayor Jonas Cortes ang kaso sa pagpamaligya og peke nga vaccination cards diin ang gigamit kay ang gi-isyu sa syudad sa katung magpabakuna kanila.
Asoy pa sa mayor nga nahibulong kini kung nganung nagkinahanglan pa nga mopalit ang mga tawo og peke nga dokumento kung diin libre unta nga gipanghatag sa gobyerno ang bakuna.
Samtang, padayun usab ang ilang paningkamut nga mapaduol ug makumbinsir pa ang katawhan nga magpaturok na sa bakuna arun maproteksyonan kontra sa COVID-19.
Kini human nga nasakop ang suspek nga si Clifford Arcilla gikan sa Barangay Talamban, Cebu City kinsang adunay printing shop.
Gibaligya lang niini ang peke nga vaccine card sa tag 450 pesos matag usa diin gamit niini ang format sa syudad sa Mandaue.
Butang nga nihulga si Cortes sa katung mga magbaligya o mopalit og fake vaccination cards kay mag-atubang kini og tukmang kaso.
Samtang, pasakaan og “falsification of public documents” ang suspek nga si Arcilla.
Butang nga nanawagan karon ang mayor sa tanan nga i-report sa syudad o kapulisan ang mga magpaluyo niining iligal nga transaksyon.
Samtang, posibling pabutangan na nila og dugang safety features ang vaccine card sama sa QR Code arun dili kini basta-basta nalang nga ma-peke.
Sa laing bahin, padayun ang pag-awhag sa opisyal sa tanan ilabi na sa mga Mandauehanon nga magpabakuna na kontra COVID-19 diin adunay lima ka mga vaccination centers ang syudad.
Diin dili lang madugay kay i-lungsad na sa Vaccine Operation Center (VOC) ang “Tara Shots sa Gabii” program karon Setyembre 3, 2021
Alang kini sa mga A4 category nga ganahan nga magbakuna sa gabie.// EKP
